കൊല്ലം: കൊല്ലം പുനലൂരിൽ രണ്ട് വയസുകാരിയുടെ തിരോധാനം കൊലപാതകമെന്ന് സ്ഥീരികരിച്ച് പൊലീസ്. രണ്ട് വയസുകാരി അനശ്വരയെയാണ് അമ്മയും ആൺ സുഹൃത്തും ചേർന്ന് കൊലപ്പെടുത്തിയത്. സംഭവത്തിൽ കുട്ടിയുടെ അമ്മ കലാ സൂര്യയും, ആൺ സുഹൃത്ത് കണ്ണനെയും പൊലീസ് പിടികൂടി.
കൊലപാതകം നടത്തിയത് തമിഴ്നാട്ടിലെ ഉസിലാം പെട്ടിയിൽ വെച്ചാണെന്ന് പൊലീസ് കണ്ടെത്തി. ഒരു മാസം മുൻപാണ് കൊലപാതകം നടത്തിയതെന്നും മൃതദേഹം ചാക്കിൽ കെട്ടി കുറ്റിക്കാട്ടിൽ ഉപേക്ഷിച്ച നിലയിലായിരുന്നുവെന്നും പൊലീസ് പറഞ്ഞു. അമ്മുമ്മ സന്ധ്യയുടെ പരാതിയിലാണ് പുനലൂർ പൊലീസ് കേസെടുത്ത് അന്വേഷണം ആരംഭിച്ചത്.
Content Highlight : Two-year-old girl murdered by mother and boyfriend in Punalur, Kollam